Грб на Општина Демир Капија
Грбот на Општина Демир Капија е во форма на штит. Во основата на грбот во средината стилизирано е претставена Демиркаписката Клисура, реката Вардар, дел од железничката пруга, дел од автопатот и стариот (спореден) пат со тунелите. Во горниот дел од грбот доминира сонце со осум зрака. По страните на грбот во долната половина симетрично се поставени по еден лист од винова лоза со грозд. На долниот дел од грбот на црвена основа е испишано со црни букви - Демир Капија.
Контурите на грбот се со црна боја, исто и тунелите, железничката пруга, гроздовите се со црна боја. Карпите се со сива боја, патот е со кафена боја, небото и реката се со сина боја, лозовите листови се со зелена боја, а сонцето со зраците се со жолта боја.